?

Log in

No account? Create an account

Previous Entry | Next Entry

«Тот, кто не любит Отечество земное,
непригоден для Отечества Небесного!»

Свт. Филарет Московский


3700932

































Тропарь русских святых, глас 8:

Якоже плод красный Твоего спасительнаго сеяния,/ земля Российская приносит Ти, Господи, вся святыя, в той просиявшия./ Тех молитвами в мире глубоце// Церковь и страну нашу Богородицею соблюди, Многомилостиве.

Ин тропарь Всех русских святых, глас 4:

Иерусалима Вышняго гражданы,/ от земли нашея возсиявшия/ и Богу во всяцем чину/ и всяким подвигом угодившия,/ приидите, воспоим, вернии:/ о всеблаженнии земли Российския заступницы,/ молитеся ко Господу,/ да помилует сию от гнева Своего,/ исцеляя сокрушение ея,/ и верныя люди Своя утешит.

Кондак Всех русских святых, глас 6:

Предстателие страны нашей неусыпныя,/ ходатаи о нас ко Творцу непрестаннии,/ не презрите молений наших,/ но, предваряюще на помощь, яко сродницы наши,/ ускорите на молитву/ и потщитеся на умоление,/ предстательствующе присно о чтущих вас.

Кондак русских святых, глас 3:

Днесь лик святых, в земли нашей Богу угодивших, предстоит в Церкви/ и невидимо за ны молится Богу./ Ангели с ним славословят,/ и вси святии Церкве Христовы ему спразднуют,/ о нас бо молят вси купно// Превечнаго Бога.


Молитва ко всем святым земли Русския:

О всеблаженнии и богомудрии угодницы Божии, подвиги своими землю Русскую освятившии и телеса своя, яко семя веры, в ней оставлъшии, душами же своими Престолу Божию предстоящии и непрестанно о ней молящиися! Се ныне, в день общаго вашего торжества, мы, грешнии, меньшии братия ваши, дерзаем приносити вам сие хвалебное пение. Величаем ваша великия подвиги, духовнии воини Христови, терпением и мужеством до конца врага низложившии и нас от прелести и козней его избавляющии. Ублажаем ваше святое житие, светильницы Божественнии, светом веры и добродетелей светящиися и наша умы и сердца богомудренно озаряющии. Прославляем ваша великая чудеса, цвети райстии, в стране нашей северней прекрасне процветшии и ароматы дарований и чудес повсюду благоухающии. Восхваляем вашу богоподражательную любовь, предстателие наши и покровителие, и, уповающе на помощь вашу, припадаем к вам и вопием: вси святии сродницы наши, от лет древних просиявшии и в последния дни подвизавшиися, явленнии и неявленнии, ведомии и неведомии! Помяните нашу немощь и уничижение и молитвами вашими испросите у Христа Бога нашего, да и мы, безбедно преплывше житейскую пучину и невредимо соблюдше сокровище веры, в пристанище вечнаго спасения достигнем и в блаженных обителех Горняго отечества вкупе с вами и со всеми угодившими Ему от века святыми водворимся благодатию и человеколюбием Спасителя нашего Господа Иисуса Христа, Емуже со Превечным Отцем и со Пресвятым Духом подобает непрестанное славословие и поклонение от всех тварей во веки веков. Аминь.

Comments

( 1 comment — Leave a comment )
livejournal
Jun. 13th, 2015 05:46 pm (UTC)
14 ИЮНЯ: СОБОР ВСЕХ СВЯТЫХ В ЗЕМЛЕ РУССКОЙ ПРОСИЯВШИХ
Пользователь ortorussia сослался на вашу запись в своей записи «14 ИЮНЯ: СОБОР ВСЕХ СВЯТЫХ В ЗЕМЛЕ РУССКОЙ ПРОСИЯВШИХ» в контексте: [...] Оригинал взят у в 14 ИЮНЯ: СОБОР ВСЕХ СВЯТЫХ В ЗЕМЛЕ РУССКОЙ ПРОСИЯВШИХ [...]
( 1 comment — Leave a comment )

Latest Month

July 2017
S M T W T F S
      1
2345678
9101112131415
16171819202122
23242526272829
3031     

Tags

Powered by LiveJournal.com
Designed by Paulina Bozek